Këngëtari i njohur britanik, Elton John, ka thënë para një paneli të Senatit të Shteteve të Bashkuara se SIDA mund të çrrënjoset gjatë jetës së tij, nëse Qeveria amerikane vazhdon financimin e luftës kundër kësaj sëmundjeje.
“Epidemia e SIDA-s nuk ka marrë fund dhe udhëheqja e vazhdueshme e Amerikës është shumë e rëndësishme”, ka thënë Sir Elton.
Ai është ftuar të flasë nga senatorët Lindsey Graham dhe Patrick Leahy.
Subjekt i dëgjimit në Senat ka qenë Plani Emergjent i Presidentit për SIDA-n.
Programi ka nisur nga presidenti George Bush në vitin 2003 dhe është forcuar nga pasardhësi i tij, Barack Obama.
Për vitin fiskal 2016 janë kërkuar 6.542 miliardë dollarë për këtë program.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
