Të shtëna armësh zjarri janë verifikuar mbrëmjen e kësaj të mërkure pranë parkut “Rinia”, në Elbasan.
Ende nuk dihet dinamika e qartë e ngjarjes, por forca të shumta policie dhe efektivë të FNSH-së kanë mbërritur menjëherë në vendngjarje.
Nga burime policore lokale mësohet se forcat e rendit kanë rrethuar një automjet që ndodhet pranë parkut “Rinia”, tip “Honda”, me targë “AA 411 AU”.
Personat që ndodhen në të dyshohet të jenë anëtarë të familjes Çapja dhe kanë qëlluar në drejtim të policisë, për fat të mirë pa plagosur askënd.
Burimet zyrtare shtojnë se uniformat blu kanë mundur të arrestojnë dy prej tyre, ndërsa janë në kërkim të personit të tretë.
/ Top Channel
