Tashmë edhe zyrtarisht janë mbyllur të gjithë kufijtë tokësorë për udhëtarët që hyjnë në Kosovë.
Qendra Kombëtare për Menaxhim Kufitar përmes një postimi në Facebook ka njoftuar se sot më datë 14.03.2020, nga ora 06:00 ka mbyllur kufijtë tokësorë.
“Mbyllen kufijtë tokësor për udhëtarët që hyjnë në Kosovë, kjo nuk vlen për qytetarët kosovarë, të gjithë shtetasit e Kosovës të cilët hyjnë përmes këtyre kufijve do t’iu nënshtrohen kontrolleve të shtuara mjekësore me urdhrin që ata të vetizolohen për 14 ditë”, thuhet në njoftim.
Sipas njoftimit nga data 16 mars 2020 ora 24:00, bëhet pezullimi i përkohshëm i të gjitha linjave të udhëtimit ajror në Aeroportin e Prishtinës, përveç fluturimeve ushtarake, dhe emergjencave medicinale
“Përjashtim bëjnë linjat e udhëtimit në ardhje me ekuipazh, por pa udhëtarë që shërbejnë vetëm për largim të udhëtarëve nga Kosova”, thuhet tutje në njoftim.
