Huawei P30 dhe P30 Pro do të prezantohen vetëm në fund të muajit Mars por deri atëherë kompania ka planifikuar tjetër telefon të rangut të lartë.
E kemi fjalën për telefonin me ekran që paloset dhe me rrjet 5G të premtuar nga kompania vitin e kaluar.
Prodhuesi Kinez sot postoi në rrjetin social Twitter një video ku tregohet numërimi mbrapsht deri në prezantimin e tij.
The countdown is on. Just 3 days to go before we are #ConnectingTheFuture LIVE from #MWC @GSMA. Come with us on the journey at 14:00 CET, 24.01.19: https://t.co/kXAdjtysr2 #MWC2019 #HuaweiMWC pic.twitter.com/SafCbXLEfy
— Huawei Mobile (@HuaweiMobile) February 21, 2019
Kompania thotë se kanë ngelur vetëm tre ditë. Informacionet rreth ekranit që paloset janë të pakta, por 5G-ja do të përfaqësohet nga modemi Balong 5000 5G dhe procesori Kirin 980.
Telefoni i Huawei do të vijë vetëm katër ditë pas debutimit të telefonit me palosje të Samsung, Galaxy Fold.
Aktiviteti i Huawei do të mbahet më 24 Shkurt prandaj qëndroni me ne për informacionet më të fundit. /PCWorld Albanian
