Beyonce Knowles është fituese e shumë çmimeve muzikore, ndërsa tash e ka fituar edhe një statujë prej djathi.
Artisti David Bradley ka bërë një skulpturë të këngëtares nga djathi, e cila quhet ‘Brie-once’.
Skulptura është bërë në kuadër të garës ‘E20 Cheese Carving’, e cila do të zhvillohet në Festivalin e djathit dhe verës në Londër.
Gjatë punës së tij 28 orëshe, Bradley ka shpenzuar rreth 20 kilogramë djathë për skulpturën e divës amerikane.
Organizatorët e festivalit kanë thënë se ka pasur ide të shumta, por që ‘Brie-once’ u ka pëlqyer më së shumti.
Pritet që “Beyonce shtatzënë nga djathi” të jetë atraksioni kryesor i festivalit, ndërsa theksojmë se skulptura është e bazuar në fotografinë me të cilën këngëtarja njoftoi se është shtatzënë dhe pret binjakë.
