Një grua ka arritur ta gjej krejt rastësisht tiketën fituese të lotarisë së Virxhinias prej një milion dollarë, brenda çantës së bashkëshortit të saj.

Ajo kishte deklaruar para gazetarëve, se fillimisht kishte menduar se tiketa ishte e vjetër apo thjesht nuk kishte kurrfarë vlere, dhe deshi ta hedh në shportën e mbeturinave, transmeton Telegrafi.

Rose Ibar nga Teksasi, u ka thënë zyrtarëve të lotarisë Virxhinia  se ajo dhe bashkëshorti i saj kishin shkuar në Virxhinia duke shpresuar se partneri i saj do të gjej një punë ndërtimtarie.

Ibar ka pranuar po pastronte çantën e bashkëshortit të saj kur gjeti tiketën, dhe aty e kuptoi se bëhet fjalë për numrat fitues të shumës marramendëse prej një milionë dollarëve.

Ajo menjëherë ia kishte dërguar bashkëshortit tiketën, i cili kishte pranuar se atë ia kishte thënë një mik dhe pasi e kishte gërvishtur kishte menduar se bëhej fjalë për shaka, dhe pa u menduar dy herë e kishte futur në çantë.

Por, në fund u konstatua se nuk ishte shaka dhe që Ibar do të fitoi 561,798 dollarë pasi pjesa tjerë shkon për taksa. /Telegrafi/