Një dron rus goditi një ndërtesë banimi shumëkatëshe në kryeqytetin ukrainas, Kiev, të premten në mbrëmje, duke shkaktuar një zjarr në katet e fundit të ndërtesës dhe një evakuim i banorëve, thanë zyrtarët.
“Ka një zjarr në ndërtesën në lagjen Solomyanskyi që u godit nga një dron armik”, tha kryebashkiaku Vitali Klitschko në aplikacionin e mesazheve Telegram.
“Katet 17, 18 dhe 19 janë të dëmtuara, ekipet e emergjencës ndodhen në vendngjarje”.
Serhiy Popko, kreu i administratës ushtarake të kryeqytetit, tha se banorët po evakuoheshin nga ndërtesa në rrethin në perëndim të qendrës së qytetit. Informacionet për viktima ishin duke u sqaruar, ka shkruar ai në Telegram.
Një foto e postuar në rrjetet sociale tregonte një ndërtesë të lartë të mbuluar me tym me zjarre që digjen në një nga katet e fundit.
Popko tha gjithashtu se pjesë të dronëve kishin rënë në një hapësirë të hapur në rrethin qendror Shevchenkivskyi. Nuk raportohet për viktima, shkruan Reuters.
