Eurodeputeja Doris Pack thotë se deputetët shqiptarë me të dhëna kriminale, po e prishin imazhin e Shqipërisë në botë.
Në një intervistë ekskluzive për ABC News, Doris Pack, shpreh habinë për kontigjentin e deputetëve me të dhëna kriminale në Shqipëri. Eurodeputetja theksoi se rastet e deputetëve të inkriminuar, kanë peshë të madhe në ndërtimin e një imazhi negativ per Shqipërinë në botë.
Pack e sheh arsyen e migrimeve masive nga Shqipëria, vetëm në situatën e rënduar politike në vend.
Pavarësisht vendimit të shtetit gjerman për të kthyer të gjithë azilërkuesit shqiptarë, ka një rritje të numrit të tyre në Gjermani edhe gjatë muajit shtator. A shqetësojnë këto shifra në Gjermani?
Pack: Nuk e kuptoj, pse kemi kaq shumë shqiptarë që braktisin vendin. Nëse do të isha në vendin e Ramës, do të pyesja pse ndodh kjo ? Pashë shifrat e azikërkuesve shqiptarë në muajin shtator në Gjermani dhe është vërtet e pabesueshme. Ajo që pritet është që t’i jepet një perspektivë të rinjve që të qëndrojnë në vendin e tyre, të kontribuojnë në tranformimin dhe civilizimin e tij dhe të kenë një perspektivë të qartë punësimi. Unë kuptoj që ka njërëz që kërkojnë një jetë më të mirë, por momenalisht është e pamundur, pasi ne duhet të strehojmë personat që ikin nga luftra dhe konfliktet.
Sipas jush, a lidhet kjo me situatën politike dhe eknomike në vend?
Pack: Ndoshta është një koiçidencë, por shtrohet pyetja, pse shqiptarët nuk iknin para se Shqipëria të ishte një vend kandidat dhe ikin tani që Shqipëria është një vend kandidat ? Besoj, se ka një lidhje me situatën politike. Sot në shoqërinê shqiptare duhet vërtet të shtrojmë pyetjen nëse duhet të jesh kriminel për t’u bërë deputet. Nuk e konceptoj, se si ata që qeverisin vendin nuk e kuptojnë që kjo përcjell një imazh të tmerrshëm për vendin. Të gjithë e shohin, të gjithê flasin pêr këtë, por as Rama dhe as Meta nuk e marrin seriozisht. Ndoshta jam e gabuar, por nuk besoj të jem, sepse informohem rregullisht dhe lexoj përditë përmbledhjen e shtypit shqiptar. Klasa politkke në Shqipëri duhet pastruar. Nëse përcillet nje imazh kaq negativ, njerëzit nuk durojnë më dhe braktisin vendin.
Sipas jush a duhet të trajtohet proçesi i dekriminalizimit si parakusht në progres-raportin e Komisionit Europian? A ndihmon që opozita në Shqipëri ka dërguar raportin e saj Komisionit Europian?
Pack: Duhet evituar që të ketë një raport të Komisionit Europian që thotë të njëjtën gjë si vitin e shkuar. Është e habitshme dhe zhgënjyese. Nuk do të ndjehesha mirë si politikane apo përgjegjëse politike nëse do më prezantonin të njëjtin raport çdo vit. Ju kemi prekur më parë edhe çështjen e mungesës së një informacioni neutral nga ambasadat e shteteve anëtare në Shqipëri.
A është ky informacion i paplotë një pengesë në informimin e duhur të shteteve anëtare?
Pack: Shqipëria është i vetmi vend ku çdo ambasadë ka çdo ditë diçka për të thënë. Nuk më duket shumë e shëndoshë kjo, sepse roli i ambasadës nuk është për të bërë politikë, por për të informuar shtetin e saj, se ç’ndodh në Shqipëri. Por është dhe politika shqiptare që favorizon këtë. Ka qenë gjithmonë kështu, jo vetëm gjatë kësaj qeverie, por edhe gjatë qeverive të mëparëshmë. Gjithmonë kanë hedhur sytë se ç’farë thonë ambasadat e huaja. Herë pas here, kemi përshtypjen që ambasadorët nuk janë neutralë. Kjo duhet thënë. Unë e kam thënë vazhdimishtt dhe madje kjo gjë është përfshirë edhe në një raport.
