A jeni rehat në mobiliet që keni? Nëse po, atëherë keni ose do të keni së shpejti dhimbje shpine.
Hulumtimi i ri, transmeton Telegrafi, tregon se kur ulëset janë të buta dhe komfore, trupi e lëshon vetën, teksa shtylla kurrizore fillon të deformohet dhe krahët të rrëndohen.
Hulumtimi i bërë nga fizioterapeuti Richard Evans, tregon se çdo i pesti njeri me ulëse të butë, ka probleme me shpinë.
Komfori që japin ulëset e buta dhe luksoze, në fakt janë të këqija për vijën e trupit.
Gjithnjë sipas Dr. Evansit, “ulëset e buta inkurajojnë trupin të kërruse, në vend se të mbajë një qëndrim të drejtë të trupit”.
Sipas gjetjeve, në kohë më të hershme, kur karriget kanë qenë kryesisht vetëm dru, problemet dhe ankesat për shpinë, kanë qenë shumë më të vogla.
