Disa persona dyshohet të kenë vdekur pasi dy anije mallrash u përplasen në Detin e Veriut, thanë sot zyrtarët gjermanë të emergjencës detare.
Incidenti thuhet se ndodhi kur anijet Bahaman Polesie dhe British Verity u përplasën me njëra-tjetrën rreth orës 5 të mëngjesit me kohën lokale, 12 milje detare në jugperëndim të Heligoland, përcjell Telegrafi.
Verity u nis nga Bremeni rreth orës 19:00 dje për në Immingham, një port kryesor tregtar në Lincolnshire.
Pas orës 3 të mëngjesit, e gjithë lidhja me radio me Verity u humb.
Komanda qendrore e emergjencave detare të Cuxhaven tha në një deklaratë se “supozohet” se Verity është fundosur si rezultat i përplasjes.
Siç kanë thënë autoritetet, është duke u zhvilluar një kërkim për Verity 91 metra të gjatë.
