Diego Costa te Atletico e Madridit nuk është thjeshtë një hipotezë merkatoje. Mediat angleze shkruajnë se bisedimet mes sulmuesit brazilian por që ka zgjedhur të përfaqësojë Spanjën, dhe Los Colchoneros ndodhen në një fazë shumë të avancuar. Sipas Sky Sports rikthimi i Diego Costës në Vicente Calderon verën e ardhshme është mëse i mundshëm, madje vetë futbollisti 27-vjecar i ka dhënë ok-in drejtuesve të Atleticos duke pranuar ofertën e klubit spanjoll. Edhe pse numëron në total 35 gola dhe 15 asiste në 74 ndeshje me fanellën e Chelsea-it, ky sezon nuk ka qenë aspak pozitiv për sulmuesin me origjinë braziliane te Blutë e Londrës, dhe kjo është një nga arsyet kryesore që Diego Costa ka vendosur të largohet nga Stamford Bridge. Atletico e shiti sulmuesin përpara 2 sezonesh te Chelsea, për 40 milionë Euro dhe nëse kërkon të bëjë të mundur rikthimin e 27-vjecarit në Madrid duhet të shpenzojë një shumë të përafërt. Alternativat nëse nuk arrihet akordi me klubin londinez për kalimin e lojtarit në Vicente Calderon janë disa. Diego Simeone përvec sulmuesit të Interit Mauro Icardi për të përforcuar repartin e avancuar të skuadrës së tij, pëlqen edhe Cavanin, Lukakun, Higuain-in por edhe Christian Benteken e Liverpoolit.
