Pas çdo xhiroje në Ligën e Dytë ndodh nga një vaki. Kësaj radhe ajo është e dhimbshme, pasi bëhet fjalë edhe për sulm fizik. Në ndeshjen derbi të Grupit B të javës 20 ndërmjet Kikës dhe Lepencit, tifozët vendas i kanë përcjellë mysafirët me shqelma e gurë, derisa edhe gjatë ndeshjes një pjesë e tyre kanë hyrë në terren.
Lehtë nuk kanë shpëtuar as zyrtarët e ndeshjes. Sfida mezi ka arritur të përfundojë pas 90 minutave, pasi disa herë ka mundur të ndërpritet.
Gjithsesi ajo është regjistruar me rezultatin e arritur në fushë, 1:1. Siç mësohet, Policia e Kosovës ka arrestuar disa persona, derisa mund të kapen edhe të tjerë, pasi ende po vazhdojnë ndjekjet në Hogosht.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
