Dhoma e Tregtisë dhe Industrisë Kosovë (DhTIK) dhe Dhoma Britanike e Tregtisë në Kosovë kanë nënshkruar një Memorandum Mirëkuptimi, me synim forcimin e bashkëpunimit dhe krijimin e mundësive të reja për zhvillimin e sektorit privat në vend.
Marrëveshja u nënshkrua nga kryetari i Bordit të DhTIK-së, Skender Krasniqi, dhe drejtori ekzekutiv i Dhomës Britanike të Tregtisë në Kosovë, Bekim Kastrati.
Sipas njoftimit, memorandumi parasheh promovimin e tregtisë dhe investimeve, mbështetjen e ndërkombëtarizimit të bizneseve kosovare, organizimin e forumeve dhe takimeve B2B, avokimin për përmirësimin e klimës së biznesit, si dhe mbështetje për ndërmarrjet e vogla dhe të mesme, bizneset e reja dhe gratë në biznes.
Postimii plotë:
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
