Komuna e Prishtinës ka vendosur ta dezinfektojë Stacionin e Autobuseve në kryeqytet
“Konform vendimit të Kryetarit Shpend Ahmeti, dezinfektimi i hapësirave dhe pajisja me mjete mbrojtëse janë masat e aplikuara për parandalimin e përhapjes së Coronavirusit!
Kujdesi i shtuar në këtë situatë na ndihmon të mbrojmë veten dhe të tjerët!”, njofton Komuna e Prishtinës.
Dezinfektimi i kësaj hapësire u bë pas dezinfektimit të autobusëve urban që ndodhi mbrëmjen e së mërkurës.
Këto masa vijnë pas shpalljes së koronavirusit si pandemi globale nga ana e Organizatës Botërore të Shëndetësisë.
