Klankosova.tv ka mësuar detaje ekskluzive rreth rrahjes që ka ndodhur pasditën e sotme në Prizren.
Në përleshjen mes zyrtarit të ri policor që quhet Fatijan Sheu dhe vëllait të tij B.Shehu, i përfshirë ishte edhe Erduan Bajrami. Këtë e ka mësuar Klankosova.tv nga burimet e sigurta.
Rastin e ka konfirmuar paraprakisht edhe policia e Prizrenit.
Zëdhënësi i policisë për rajonin e këtij qyteti tha se rasti ka ndodhur pas një mosmarrëveshje që kishin të dyshuarit mes vete.
Lidhur me rastin i cili ka ndodhur në rrugën “5 Maji” janë njoftuar hetimet e stacionit, Prokurori i Shtetit si dhe Inspektorati Policor i Kosovës të cilët kanë ardhur në stacion dhe e kanë trajtuar rastin.
Vërejtje: Personat përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata.
