Efekti “derbi” bën që Kategoria Superiore të ndryshoj programin për javën e saj të 23-të. Kështu Federata Shqiptare e Futbollit bëri të ditur se katër nga takimet e kësaj fundjave do të luhen të shtunën dhe vetëm një të dielën. Kjo pasi ndeshja mes Tërbunit dhe Partizanit që fillimisht ishte programuar për tu luajtur të dielën është paraprirë me një ditë, dhe do të startojë të shtunën në orën 14.00 njëkohësisht me takimet Vllaznia-Laci dhe Kukësi -Flamurtari ndërsa po të shtunën në orën 17.00 Tirana do të presë Teutën në Selman Stërmasi. Ndryshimi i prgramit të ndeshjes Tërbuni-Partizani është bërë me kërkesë të klubit të kuq. Duke qenë se në javën pasardhëse luhet ndeshja më e ndier e futbollit shqiptar në nivel klubesh, derbi i kryeqytetit mes Partizanit dhe Tiranës, në klubin e kuq kanë kërkuar që ta luajnë ndeshjen e rradhës në të njëjtën ditë me rivalët bardheblu në mënyrë që skuadrat të kenë të njëjtin afat kohor në dispozicion për përgatitjen e derbit. Kerkësa e të kuqve ka gjetur mirëkuptimin e FSHF që ka vendosur të afrojë me një ditë zhvillimin e ndeshjes së Partizanit, duke lënë vetëm një takim për të dielën, atë mes Bylisit dhe Skënderbeut që do të luhet në orën 14.00./ss/
