Duke rikujtuar mbështetjen e SHBA-së për Kosovën dhe vizitat e disa zyrtarëve të lartë amerikanë në Kosovë, ambasadori amerikan, Greg Delawie ka thënë se mbështetja e SHBA-së për Kosovën është e afatgjate dhe e palëkundur.
Përmes një postimi në Twitter, Delawie ka publikuar fotografinë e një takimi të ish-presidentit amerikan George Bush me ish-presidentin e Kosovës, Fatmir Sejdiun dhe ish-kryeministrin Hashim Thaçi.
Gjithashtu ai ka publikuar edhe një fotografi të ish-sekretares së Shtetit, Madeleine Albright, gjatë një vizite të saj në Kosovë.
“Mbështetja e SHBA-së për Kosovën është e afatgjate, dypartiake dhe e palëkundur. Hidhni një sy prapa disa zyrtarëve të mëparshëm të rëndësishëm të SHBA që vizituan dhe mbështetën Kosovën. Ne shpresojmë që të mirëpresim më shumë liderë amerikanë në Kosovë, në të ardhmen!”, ka shkruar Delawie në Twitter. /Telegrafi/
US support for #Kosovo is longstanding, bipartisan & steadfast. Take a look back at some previous important U.S. officials who visited and supported Kosovo. We look forward to welcoming more American leaders to #Kosovo in the future! #US4Kosovo #Kosovo10 https://goo.gl/C7XAc5
