“Gazzetta Dello Sport” i ka kushtuar një tjetër artikul Giani de Biasit që është në garë për cmimin “Trajneri i Vitit” në “Gazzeta Awards”, cmimet e të përditshmes sportive më prestigjioze në Itali dhe një ndër më të mëdhatë e Europës. “Shqipëria mes më të mëdhenjve të kontinentit, De Biasi mes trajnerëve më të mirë”. Kështu e titullon reportazhin në fjalë “Gazzeta Dello Sport” ku shpjegon edhe përzgjedhjen e De Biasit si një ndër kandidatët për cmimin e “Trajnerit të Vitit” që i dedikohet kualifikimit të kuqezinjive në Euro 2016, dicka që u përjetua si një përrallë e bërë realitet në Shqipëri. Përtej përshkrimit të entuziazmit me të cilin u përjetua kjo arritje në vendin tonë “Gazzetta” zbulon edhe një prapaskenë interesante ndërsa shpjegon se De Biasi u bë trajner i Shqipërisë thuajse rastësisht, një menaxher e lidhi në kontakt me drejtuesit e FSHF por ai nuk ishte i bindur në atë kohë pasi dëshironte rikthimin në Serinë A, pas dështimit në Udine.
Gjithsesi zgjedhja për të marrë drejtimin e Shqipërisë rezultoi ajo e duhura pasi u kurorëzua me arritjen e kualifikimit për ta bërë 2015 një vit magjik për të dhe tifozët shqiptarë. Cmimi “Trajneri i Vitit” për të cilin garon De Biasi jepet në bazë të një sondazhi ku mund të marrë pjesë lirisht kushdo në faqen e “Gazzetta Dello Sport”, votimi ka filluar në fakt prej dy ditësh dhe duket se rivaliteti është i madh, pasi në vendin e parë për momentin ndodhet trajneri i Napolit, Maurizio Sarri me 18% të votave, pas tij vjen trajneri i Dinamo Sassarit në volejboll, Romeo Saccheti me 15% të preferencacve dhe trajnerja e gjimnastikës Emanuel Maccarani ka 12 % të preferencave po aq sa Antonio Conte. De Biasi për momentin ka 11 % të votave, por deri në fund ku i dihet me ndihmën e shqiptarëve, edhe këtu mund të realizojë një përmbysje të madhe si ajo ndaj Armenisë në Elbasan Arena.
Ja dhe linku ku mund te votoni per Gianni De Biasin:
http://sportsawards.gazzetta.it/categoria/allenatore-dell-anno
