Kryetari i Partisë Socialiste të Serbisë (SPS), Ivicia Daçiq, duke iu bërë thirrje anëtarëve të partisë së trashëguar nga kasapi i Ballkanit, siç është quajtur Sllobodan Millosheviq, për dalje në zgjedhje, u ka garantuar atyre se kjo asnjëherë nuk do ta tradhtojë as Kosovën, as serbët, as të tjerët që janë kundër pavarësisë së Kosovës, raporton “Blic”, transmeton Koha.net.

Daçiq, në cilësinë e shefit të diplomacisë serbe, ka thënë se askush ende nuk e din se si do të duket marrëveshja midis Beogradit e Prishtinës, por “është e sigurt se ky pushtet nuk do të tradhtojë as Kosovën, as popullin e Kosovës, dhe jo vetëm atë serb, por edhe popujt e tjerë që nuk e duan Kosovën e pavarur, ndërsa jetojnë në Kosovë. Këtë ua garantoj unë”, citohet të ketë thënë ai.