Ministri i Integrimeve Europiane, Bekim Çollaki, thotë se qytetarët e Kosovës do të lëvizin pa viza në vitin 2016.
Këto komente, ai i bënë pas takimeve që ka zhvilluar delegacioni i Kosovës me përfaqësues të lartë të institucioneve të BE’së.
Postimi i plotë i Çollakut:
Edhe sot vazhduam me takime të rëndësishme të nivelit të lartë me përfaqësues të insitucioneve të BE-së në Bruksel. Ishte kënaqësi të takohemi dhe bisedojmë në takime të ndara me Presidentin e Komisionit Evropian z.Jean Claude Juncker dhe Komisionerin për Punë të Brendshme z.Dimitris Avramopulos. Diskutuam për të gjitha çështjet e rëndësishme të interesit të përbashkët duke përfshirë zhvillimet aktuale nëBE, situatën aktuale në Kosovë dhe sfidat e përbashkëta në luftën kundër terrorizmit dhe ekstremizmit. Natyrisht, temë kryesore e takimeve ishte diskutmi dhe dakordimi lidhur me hapat e fundit procedural të përmbylljes së procesit të liberalizimit të vizave. Ndihem i inkurajuar nga mbështetja e ofruar dhe konfirmimi se jemi në prag të përfundimit të procesit të liberalizimit të vizave. Pas këtyre takimeve ndihem shumë më tepër i sigurt se qytetarët e Kosovës do të lëvizin pa viza gjatë vitit 2016. Ky është një sukses tjetër krejtësisht i merituar.
