Ministri për Integrime Evropiane Bekim Çollaku ka mirëpritur votimin për hapjen e rrugës së liberalizimit të vizave me Bashkimin Evropian(BE) dhe ka treguar haapt e radhës për heqjen përfundimtare të vizave, shkruan Gazeta Express.
“E mirëpres votimin pozitiv në komisionin e Parlamentit Evropian për të drejtat civile, drejtësi dhe punë të brendshme (LIBE). Votimin e sotëm duhet ta kuptojmë edhe një rikonfirmim të radhës për mbështetjen që lëvizja e lirë pa viza e qytetarëve të Kosovës e gëzon tek eurodeputetët e përfaqësuar në këtë komision të Parlamentit Evropian, dhe është një hap përpara drejt vendimit përfundimtar. Uroj që ky hap dhe i gjithë procesi të përfundohet sa më shpejtë. Qytetarët e Kosovës e kanë merituar trajtimin e barabartë me fqinjët e tyre qe një kohë të gjatë, dhe institucionet e Kosovës kanë bërë punë të pakursyer në përmbushjen e kërkesave të parashtruara në këtë proces.
Megjithatë, duhet nënvizuar që deri te liberalizimi i vizave mbetet të merret vendim nga i gjithë Parlamentit Evropian që të ndodhë në një seancë plenare të mëvonshme. Më pas mbetet edhe vendimi i shteteve anëtare të BE, në Këshill të BE për propozimin e Komisionit Evropian për Liberalizim të Vizave. Prandaj, për të gjithë të interesuarit këtu po e ndaj me ju një përshkrim se ku jemi në këtë proces tani për tani.” ka shkruar Çollaku.
