Kryetarja e Komisionit për Mjedis, Ushqim, Bujqësi, Planifikim dhe Zhvillim, Fitore Pacolli.
Kryetarja e Komisionit për Mjedis, Ushqim, Bujqësi, Planifikim dhe Zhvillim, Fitore Pacolli ka thirrur një mbledhje të “jashtëzakonshme” për ora 22:10.
Ftesa që mban datën 5 dhjetor fton anëtarët e këtij komisioni.
Në agjendë është Shqyrtimi i Projektligjit 08/L-311 për menaxhimin e resurseve ujore dhe Shqyrtimi i Projektligjit 08/L-330 për Inspektoratin Qendror te mjedisit, ujerave, natyrës, ndertimit si dhe mbrojtjen nga rrezatimi dhe siguria bërthamore.
Nuk dihet se cila është urgjenca e Pacollit për ta ftuar këtë mbledhje në orët e mbrëmjes.
Por, sipas dëshmive që ka siguruar Express në e mailet e të ftuarve ftesa ka shkuar 4 minuta pas kohës të caktuar për mbledhje të Komisionit.
Pacolli ditëve të fundit ka qenë në qendër të vëmendjes pasi u raportua se ministria e Bujqësisë e udhëhequr nga Faton Peci ka dhënë subvencione për familjarë të Pacollit.
Pacolli e Peci këtyre raportimeve iu janë përgjigjur me sulme ndaj mediave.
E njëjta është kryetare e komisionit për Bujqësi, sektor nga i cili kanë përfituar të afërmit e saj, vëllai dhe daja.
Përndryshe, sonte është ftuar edhe seancë e jashtëzakonshme e Kuvendit të Kosovës, të cilën Besnik Tahiri i AAK-së e ka quajtur si “puç parlamentar”. /Gazeta Express
