Andrea Lorenzo Capussela ka folur së fundi për ‘Prishtina Insight’ në lidhje me librin e tij të fundit “Shtet-Ndërtimi në Kosovë: Demokracia, Korrupsioni dhe Bashkimi Evropian në Ballkan”.
Capussela, një ish-drejtor ekonomik në Zyrën Civile Ndërkombëtare, një mision që mbikëqyrte “pavarësinë e mbikëqyrur” të Kosovës, tha se misioni ndërkombëtar për sundim të ligjit, EULEX, duhet të dërgohet në shtëpi menjëherë.
“Ata e kanë dëmtuar Kosovën gjatë këtyre gjashtë apo shtatë vitet e fundit”, ka thënë Capussela për Prishtina Insight.
“Misioni është duke e dëmtuar tani Kosovën dhe në mënyrë indirekte edhe interesat e Bashkimit Evropian, kështu që duhet të tërhiqet”, tha ai.
Capussela gjithashtu ngriti shqetësimet në lidhje me gjykatën e speciale në Kosovë të të iniciuar pas raportit të Dick Marty-t të vitit 2011. Ai shpjegoi pse rregullisht dhe zëshëm kritikon vendimet e Gjykatës Kushtetuese të Kosovës.
“Nëse është e vërtetë ashtu siç unë besoj që është, Gjykata Kushtetuese nuk është një organ gjyqësor, ajo është një organ politik, në fakt një instrument politik e cila përdoret nga elita politike në mënyrë që të bëjë gjëra që ata nuk mund të bëjnë ose nuk janë të gatshëm t’i bëjnë vetë…unë mendoj se është e nevojshme që të ekspozohet ajo si një instrument politik dhe e nevojshme për t’i treguar publikut se ky lloj i gjykatës nuk duhet të merret seriozisht”, tha Capussela, shkruan kallxo.com.
