Gianluigi Buffon është kthyer në stërvitje me Juventusin, ku ka stërvitur së bashku me shokët e skuadrës.
Portieri italian ka dy muaj që është i lënduar dhe nuk ka stërvitur me skuadrën.
Ndeshja e fundit që luajti me Bianconerët ishte ajo ndaj Napolit që Juve fitoi 1-0 në San Paolo me 1 dhjetor.
Ishte trajneri Massimiliano Allegri që pas ndeshjes me Genoan lajmëroi kthimin e portierit në stërvitje.
Gianluigi Buffon i Juventusit në një ndeshje në bankën rezervë. (Photo by Tullio M. Puglia/Getty Images)
Ai është parë sot në aksion, në qendrën stërvitore në Vinovo.
Juve e ka konfirmuar kthimin e tij me një video nga seancat stërvitore.
Buffon mund të jetë gati që të startojë në ndeshjen ndaj Chievos që zhvillohet në fundjavë.
Allegri e ka konfirmuar se Buffon mbetet portieri i parë edhe për kundër formës së mirë që po kalon Wojciech Szczesny. /Telegrafi/
🙌 @gianluigibuffon is back! 🙌#FinoAllaFine 🏳️🏴 #ForzaJuve pic.twitter.com/qoyna0RKXV
— JuventusFC (@juventusfc) January 24, 2018
