Faton Bislimi
Në një intervistë të botuar në Diplomat Magazine të Human Rights Without Frontiers (HRWF) me seli në Bruksel, Ministri i Jashtëm i Serbisë, Selakoviq, ka paraqitur shtetin e tij si një vend që ndanë vlerat evropiane dhe tutje si një vend që ka vuajtur nga problemet e shkaktuara ndaj tij prej Kosovës.

Teksa kur flet për Kosovën, tregon “gjendjen e mjerueshme” në të cilën jetojnë serbët lokal aty, dhe normalisht fajëson Kosovën për çalimin e procesit të dialogut dhe mos-zbatimin e marrëveshjes së Brukselit për Asociacionin e Komunave me shumicë serbe.

Por, këto të pavërteta të diplomacisë serbe nuk do të mbesin të pasfiduara. Jo më!
Sot, shkrimi im që i kundërvihet – me fakte – kësaj propagande publike të kryediplomatit serb është botuar nga HRWF në Bruksel.

Në këtë shkrim, ndër të tjera potencoj:

“Për një shtet si Serbia që pretendon t’i bashkohet BE-së e të ndajë vlerat evropiane, por ende e llogaritë Kosovën, një shtet sovran e të njohur ndërkombëtarisht nga 115 vende, si territor të vetin, është përtej edhe sureales. Serbia është një shembull eklatant ku ende mbizotëron politika e stërkeqjes dhe frikës, që nga koha e liderit të tyre (S. Milosheviq) i cili vdiq në burg të Hagës gjerësa po gjykohej për krime lufte, krime kundër njerëzimit e gjenocid.”

“Kushdo që e lexon intervistën e Selakoviqit, e sheh kjartazi përpjekjen e tij për ta paraqitur Serbinë si viktimë në raport me Kosovën. Fatkeqësisht për të, faktet historike janë shumë kokëforta dhe nuk lejojnë ndryshimin e historisë në favor të askujt e aq më pak Serbisë ndaj së cilës u dashtë të intervenojë ushtarakisht edhe NATO për të parandaluar spastrimin etnik të Kosovës nga marshi gjenocidial serb kundrejt shqiptarëve etnikë aty.”

“Sa më parë që Serbia të marrë përgjegjësinë e së kaluarës, të pendohet, e të të angazhohet për fqinjësi të mirë, së pari duke rikthyer në Kosovë trupat e mëse një mijë e gjastëqind të pagjeturëve shqiptarë, aq më afër do jetë paqja dhe stabiliteti në rajon. Realisht, kushdo nga Beogradi që flet për “gjendjen e mjerueshme në të cilën jetojnë serbët në Kosovë,” vecsa i shton një ofendim plagës së hapur si pasojë e krimeve serbe atje, sepse cdo raport kredibil ndërkombëtar qoftë nga Departamenti i Shtetit, qoftë nga Human Rights Watch, etj, tregon kjartë se sa të avancuara janë të drejtat e minoritetit serb në Kosovë.”
“Krejt e kundërta është e vërtetë për Serbinë, ngase është minoriteti shqiptar në jug të Serbisë, në Luginë të Preshevës, ai i cili jeton në gjendje realisht të mjerueshme, dhe diskriminohet fuqishëm nga aparati shtetëror serb. Kështu, Lugina e Preshevës është rajoni më i varfër jo vetëm në Serbi por në krejt Evropën. Beogradi përmes fshirjes së adresave dhe largimit nga regjistri civil i shqiptarëve të Luginës po bënë sot e kësaj dite spastrim etnik modern ndaj shqiptarëve etnikë atje.”

“Andaj, nëse duhet pajtim për të arritë paqe të qëndrueshme në Ballkan, duhet që Serbia si nismëtare e krejta lufrave këtu të kërkoj falje së pari e të angazhohet sinqerisht për të ardhme me të mirë. Kjo nuk mund të pritet nga Kosova sepse ajo ishte viktima, jo agresori!”

— Shkrimi im i plotë i botuar nga Human Rights Without Frontiers në Bruksel sot në versionin origjinal në anglishte gjenden në linkun e mëposhtëm.

https://hrwf.eu/serbia-kosovo-ignoring-the-past-keeps-us-farther-from-the-future-serbia-and-kosovo-can-only-move-forward-as-two-equal-neighbors-in-the-balkans/

Gazeta online “InfoSot” shpall konkurs për gazetar/e

Artikull i sponzorizuar