Nëntë përmbarues privat janë betuar sot para ministrit të Drejtësisë, Abelard Tahiri.
Në ceremoninë e organizuar nga ministria, Tahiri ka uruar përmbaruesit privat për detyrën e marrë, pasi sipas tij puna që bëjnë reflekton direkt në përmirësimin e imazhit të gjyqësorit.
“Kërkoj nga ju që të punoni në bazë të ligjeve dhe Kushtetutës, dhe të ndihmoni në përmirësimin e gjykatave, dhe në përgjithësi në përmirësimin e punës së gjithë gjyqësorit. Qytetarët do të jenë të kënaqur vetëm atëherë kur nuk do të ketë pritje të mëdha për zgjidhjen e rasteve të tyre dhe një qasje më e lehtë në drejtësi për të gjithë” tha Ministri.
Ai po ashtu bëri të ditur po ashtu se së shpejti në Ministri do të themelohet Departamenti për Mbikëqyrjen e Profesioneve të Lira, që do të shoh nga afër edhe punën e përmbaruesve privat.
Përmbaruesit e rinj privat janë emëruar nga dy për Gjykatat Themelore në Prishtinë, Mitrovicë, Ferizaj dhe Prizren, ndërsa një është emëruar për Gjykatën Themelore në Pejë./kallxo.com/
