Berlusconi: Donnarumma nuk shitet

E publikuar: 01/04/2016 16:57
Rreshtat+- AShkronjat+- Printo

Donaruma nuk shitet, ndërsa Antonio Conte dhe Di Francesco nuk janë emrat e duhur për Milanin. Intervista e agjentit Mino Raiola ku prekte disa tema të merkatos, ka gjeneruar shqetësim te tifozët. Një nga kapitujt i përkiste Donnarumas por është vetë Silvio Berlusconi ai që vë pikat mbi ‘I”, duke provuar të shuajë cdo spekullim rreth portierit. Gjatë një ndërhyrjeje në një emosion radiofonik, Berlusconi ju përgjigj një pyetjeje të një tifozi mbi të ardhmen e gardianit të ri të portës.

“Le t’i japim një përgjigje dëgjuesit. Donnaruma nuk shitet, do të jetë portieri Milanit për 15 vitet e ardhshëm.”

Më pas numri një i Milanit foli edhe për cështjen e trajnerit duke u shprehur.

“Nuk besoj se Conte apo Di Francesco janë emrat e duhur për të ardhmen e Milanit. Sa i përket Mihajlovic, të shohim se si do të përfundojë sezoni. Conte është një trajner i shkëlqyer, por në këtë moment nuk mund të them një fjalë përfundimtare pasi jemi në mes të një situate për marrjen e vendimeve. Jemi duke punuar për ndryshimin e Milanit intensivisht, si një lumë që derdhet në det.”

Pikërisht, e ardhmja e Milanit është tema mbi të cilën interesohen më shumë tifozët kuqezinj. Ja si do të jetë ajo sipas Berlusconit.

“Po punoj, kemi dy zgjidhje përpara, njëra është një grup i ri që mund të futet në shoqërinë aksioneve të Milanit duke sjellë kapital të rëndësishëm, ose të gjejmë një rrugë tjetër e cila mua më pëlqen shumë, pra një Milan të gjithin italian, me të gjithë lojtarët që vijnë nga skuadrat e të rinjve kuqezi dhe që të formojnë një skuadër ndryshe nga të tjerat, një skuadër që mund të prodhojë një lojë teknikisht të provuar që më parë. Kjo është dicka të cilën e kam shumë qartë në mendje”.