Kryetari i Prishtinës Shpend Ahmeti ka deklaruar mbrëmë se ismet Beqiri ka thënë shumë fjalë që nuk kanë qëndruar ashtu siç ka thënë.
“Prishtina nuk e duron mendjemadhësinë, të thuash që Prishtina është vetëm e imja dhe unë fitoj. Ismet Beqiri ka shumë fjalë që i ka hëngër. Bile më shumë ka që nuk qendrojnë, sesa që i ka thënë dhe nuk i ka mbajtur. Është tmerr se çfarë ka bërë me ato banesa në Komunën e Prishtinës. Vjen posteri i cili 30 vjet ka punuar në Komunën e Prishtinës, vjen gati si tu qajt, sepse vjen me 6-7 anëtarë, me një banesë me 30 metra katrorë, dhe thotë se kam kërkuar banesë dhe kurrë nuk më kanë konsideruar.”, ka thënë Ahmeti.
I pari i Prishtinës, ka thënë se Beqiri ka shkuar edhe më larg, në kohën kur ka qenë deputet në komision ka intervenuar për të bërë ligjin për privatizimin e këtyre banesave.
“Por çka ka bërë Ismet Beqiri me shokë?Jo vetëm që ia kanë dhënë vetvetes banesat, por madje Ismet Beqiri si deputet i asamblesë komunale, ka votuar ligjin për privatizim, i cili mundëson që këto banesa të blihen e të privatizohen për para hajgare”,kishte deklaruar Beqiri.
E i kontaktuar nga Indeksonline, ish kryetari i Prishtinës, Ismet Beqiri ka thënë se ende nuk ka parë ndonjë punë të cilën e ka kryer Shpend Ahmeti.
“Për Shpendin flas kur të fillon të punoj diçka për Prishtinën dhe qytetarët e saj”, ka thënë shkurt Beqiri./Indeksonline/
