Bayerni i Mynihut mbetet thjesht pa rivalë në futbollin gjerman. Kampionët e Bundesligës fituan edhe Kupën e Gjermanisë, ku mposhtën vetëm pas goditjes së 11-mershave Borussian e Dortmundit, që edhe pse i shkoi shumë pranë trofeut, nuk mundi ta prekte atë.
Lotë gëzimi për Pep Guardiolën, që mbylli një eksperienë të mrekullueshme në Bavari, ku fitoi 3 tituj kampion të Bundesligës, 2 Kupë të Gjermanisë, Superkupën e Gjermanisë dhe një botëror klubesh.
Në stadiumin Olimpik të Berlinit 90 minutat e kohës së rregullt përfunduan në barazim pa gola, por rrjetat mbetën të paprekura edhe gjatë shtesës me dy pjesë prej 15 minutash secila.
Në Lotarinë e 11 metërshave verdhezinjtë gabuan dy herë me Bender dhe Papasthadopulos, ndërsa ishin të saktë Kagaëa, Aubamyen dhe Reus. Në radhët e bavarezëve i pasaktë ishte vetëm Kimich, me Vidal, Leëandoëskin, Muller dhe Costa, me brazilianin që realizoi penalltinë e fundit.
Bayerni mbylli një tjetër sezon si dominues në futbollin gjerman, ku fituan edhe Bundesligën, megjithatë eliminimi nga Atletico e Madridit në gjysmëfinale të Championsit mbetet një notë negative për Pep Guardiolën, që largohet nga Gjermania pa Championsin. Borussia e Dortmundit mbylli tjetër sezon pa trofe, megjithatë mund t’i gëzohet faktit se sezonin e ardhshëm do të luajë në Champions League./supersport.al/
