Refugjatët nga Kosova dhe nga vendet tjera kanë pak shanse për të fituar azil në Gjermani, sepse vendet e tyre janë klasifikuar si të sigurta
Tre azilkërkues, romë kosovarë nga grupi që kishte pushtuar Katedralen e Regensburgut janë deportuar. Kjo u njoftua nga Ministria e Brendshme bavareze. Të tre u dërguan së bashku me 60 azilkërkuesit tjerë të Munihut në Prishtinë, shkruan albinfo.ch.
Ky ishte një aksion spektakolar: Në fillim të korrikut 45 refugjatë ishin vendosur në Katedralen e Regensburgut. Në këtë grup kishte romë, shqiptarë, maqedonas dhe kosovarë, që kishin protestuar kundër dëbimit.
Refugjatët kanë kritikuar klasifikimin e vendeve të Ballkanit si vende të sigurta.
Kjo ishte edhe një ‘luftë’ në mes azilkërkuesve dhe Katedrales. Kundër dy prej tyre ishte dhënë urdhri i dëbimit.
Sipas Ministrisë së Brendshme të Bavarisë më shumë se 2.200 azilkërkues janë dëbuar nga Bavaria në vitin 2016. Gati 8,200 të huaj janë larguar vullnetarisht deri në fund të korrikut. Refugjatët nga Kosova dhe nga vendet tjera kanë pak shanse për të fituar azil në Gjermani, sepse vendet e tyre janë klasifikuar si të sigurta.
