Zyrtari i Atletico Madridit, Miguel Angel Gil Marin ka hedhur akuza të rënda në drejtim të ekipeve të mëdha pas humbjes nga Barcelona (2:1) në ndeshjen e tyre të parë në çerekfinale të Ligës së Kampionëve.
Pas përjashtimit të Fernando Torres dhe disa vendimeve të diskutueshme të gjyqtarit, Marin ankohet në favorizim të skuadrave të mëdha në garën më prestigjioze për klube.
“Barcelona nuk ka nevojë për ndihmë të tillë. Rummenigge dëshiron që në gjysmëfinale të jenë skuadrat që kanë ndikimin më të madh, futbolli nuk është sport i tetë skuadrave më të mëdha në Evropë”, deklaroi Marin për, AS.
“Nëse Torres e meritoi kartonin e kuq, i njëjti kriter duhet të ekzistojë edhe për Suarezin. Futbolli nuk mund të jetë diktaturë e ekipeve të mëdha”, ka përfunduar ai.
