Deputeti i LVV-së, Mefail Bajqinovci, ka thënë se profili i drejtorit të suspenduar të Policisë së Kosovës në Mitrovicën e Veriut, Nenad Gjuriq, që ka të kaluar kriminale, është bërë shkas i bojkotit të institucioneve të vendit nga Lista Serbe.
Sipas tij, ky bojkot nuk është gjë tjetër përpos përpjekje e Beogradit për të strehuar krimin, për të refuzuar ligjin dhe për ta luftuar shtetin tonë nga brenda.
“E për ta konfirmuar këtë, po raportohet që i njëjti pritet të nderohet nga Vuçiqi. Asnjë Qeveri e Republikës së Kosovës nuk marrë vendime kundër qytetarëve të komunitetit serb, po asnjë qeveri si Qeveria Kurti nuk ka qenë e vendosur për sundim të ligjit dhe respektim të kushtetuetshmërisë”, shkroi ai në Facebook.
