Carlos Bacca ka zgjuar interesimin e disa skuadrave pas paraqitjeve të mira me Milanin këtë sezon.
Sulmuesi i Milanit, Carlos Bacca mund të largohet nga Rossonerët në fundit të sezonit. Ish sulmuesi i Sevillas, i cili këtë sezon ka shënuar 15 gola, ka zgjuar interesimin e disa skuadrave. Këtë e ka konfirmuar menaxheri i kolumbianit, Sergio Barila.
“Unë nuk e di se çfarë do të ndodhë në verë, por ideja e Baccas dhe e klubit ishte për rindërtimin e një Milani të ri që do të jetë i madh në Evropë. Të paktën kjo është ajo që është nënshkruar mes dy palëve. Ne do të shohim nëse lojtari apo klubi ndryshojnë mendjen”, tha Barila për Estadio Deportivo.
“Shumë ekipe kanë pyetur për Baccan në janar – madje edhe në Kinë – por Bacca na tha se ai donte të qëndroj në Milano. Kohët e fundit këto ekipe më ka kontaktuar përsëri me synimin për tregun e ardhshëm kalimtar”, ka theksuar ai.
