Ministria e Punës e Serbisë ka nisur iniciativën për xhirimin filmit për Luftën Koshares.
Kështu ka thënë kreu i kësaj ministrie Aleksandar Vulin, sipas të cilit m xhirimin e këtij filmi”do t’i kthehej dinjitetet atyre që e kanë mbrojtur Serbinë”, transmeton Koha.net.
Pas takimit me pjesëmarrësit serbë të luftës së Koshares, Vulin ka thënës se” ka pasur nderin të bisedojë me njerëzit që për shtetin e vet kanë dhënë të gjitha e që nga shteti nuk kanë kërkuar shumë.
“Ministria e Punës si detyrë të veten, por edhe më shumë si nder, e ndjen mundësinë që të luftojë për përmirësimin e pozitës së pjesëtarëve të organizatave të luftës. Të gjithë luftëtarët tanë, pa marrë para sysh a kanë qenë në Koshare, apo në atë luftërat e viteve të 90-ta kanë të drejtë që shteti të kujdeset për ta”, citon b92 të ketë thënë Vulin.
Vulin ka shtuar se shteti një kohë të gjatë e ka ulur kokën nga këta njerëz dhe e ka heshtur rolin e tyre ose ka lejuar që për ta të flitet keq dhe të futen në koshin e më të këqijve.
“Kemi filluar iniciativën që në Beograd t’iu ngrihet përmendore luftëtarëve të Kosheres, të gjithë aty luftëtarëve që kanë dhënë jetën në mbrojtje të atdheut. Duam të xhirohet filmi për Kosharen”, ak thënë ndër të tjera Vulin.
Lufta në Koshare ndërmjet UÇK-së dhe ushtrisë së ish –Jugosllavisë ka filluar më 9 prill 1999 dhe ka përfunduar më 14 qershor të atij viti kur forcat serbe, pas ndërhyrjes së NATO-s, u larguan nga Kosova.
