Mbrëmë në mesnatë ka përfunduar greva e minatorëve të “Trepçës”.

Marrëveshja është arritur me disa deputetë të Lëvizjes Vetëvendosje, me udhëheqësit të Njësisë për Monitorimin e Ndërmarrjeve Publike, Valon Prebreza.

Pjesëmarrës në negociata ishin deputetë të VV-së, përfaqësues të Bordit të ndërmarrjes Trepça dhe Ministrisë së Zhvillimit Ekonomik. Minatorët janë pajtuar që kushtet e kërkuara nga ta që të iu plotësohen.

Kujtojmë se greva e minatorëve ka zgjatur 10 ditë, ku kërkesat e tyre ishin që pagat t’iu dalin jo më larg se data 10, të shkarkohet kryeshefi i ndërmarrjes dhe të ketë sigurime shëndetësore për minatorët.

Lidhur me këtë ka ardhur edhe reagimi nga ana e Mimoza Kusari-Lilës.

Ajo ka thënë se greva u ndërpre por duhet punë e angazhim për t’a sjellë ndërmarrjen aty ku e meriton.

Postimi i plotë:

Greva e punëtorëve të SH.A. Trepça u ndërpre. Tani duhet puna dhe angazhimi bashkë me dialogun e vazhdueshëm për t’a sjellë ndërmarrjen aty ku e meriton duke tejkaluar çdo vështirësi eventuale.Me Fat.