Policia e Kosovës ka arrestuar dy persona të dyshuar për veprën penale të fajdesë në Prizren.
Sipas raportit zyrtar, të dyshuarit, meshkuj kosovarë, dyshohet se në vazhdimësi kanë ushtruar presion ndaj viktimës mashkull kosovar, duke kërkuar përfitime të kundërligjshme dhe duke e detyruar atë të veprojë në dëm të pasurisë së tij.
Gjatë kontrollit në shtëpitë e të dyshuarve dhe në një automjet të tyre, policia ka sekuestruar:
Një pistoletë me 13 fishekë
Një pushkë ajrore
42 fishekë cal. 9×19 mm
Një fishek cal. i panjohur
Dy automjete
Me vendim të prokurorit, të dyshuarit janë dërguar në mbajtje. Hetimet lidhur me rastin po vazhdojnë.
