Në afërsi të Kajros së Egjiptit, arkeologët zbuluan grumbullin me dhjetëra mace të mumifikuara, koleksionin e rrallë të brumbujve të mumifikuar, si dhe një varr të Dinastisë së Pestë, që pritet të hapet në javët që vijnë.

Brumbujt e mumifikuar – për herë të parë të gjetura në këtë zonë – janë në mesin e artefakteve, të gjetura në shtatë varre gjatë gjashtë muajve të fundit, në afërsi të kompleksit të piramidave të Mbretit Userkaf në një nekropol të vjetër në Saqqara, transmeton Telegrafi.

Brenda hapësirave të lashta, janë gjetur edhe statuja druri, të kafshëve dhe kokave të shpezëve.

Derisa po e përgatisnin atë pjesë për të prezantuar gjetjet, arkeologët gjetën pa dashje edhe një derë të vogël, që dërgonte në një varr tjetër.

Fasada dhe dera e këtij varri ishte tërësisht i paprekur, duke e bërë edhe më misterioz atë se çfarë ka brenda.

Në anën tjetër, macet dhe brumbujt të cilët ishin të shenjtë në Egjiptin e lashtë, besohet se janë mumifikuar para 4,500 vitesh. Ata u gjetën në pesë varre të ndara, të stolisura me dekorime të shumta. /Telegrafi/