Në prezantimin e parë si pjesë e PDK-së, Arbana Xharra ish kryeredaktore e gazetës “Zëri” ka thënë se në PDK ka shkuar pas asnjë kusht.
Ajo ka thënë se punën që ka bërë si gazetare për ngritje të tranparencës dhe për shqetësimin e qytetarëve do ta bëjë edhe brenda partisë.
Tutje ajo ka shtuar se para se të “kryqëzohet, t’i jepet mundësia për punën e bërë”, raporton lajmi.net.
E pyetur se ka qenë kritike kundër PDK-së, Xharra ka thënë se vazhdon të qëndrojë prapa të gjitha deklaratave që ka dhënë edhe kundër PDK-së, por ka shtuar se nga Veseli i është premtuar që do ta ketë hapësirën siç ka qenë edhe jashtë.
Ka mohuar se ka hyrë në PDK për ndonjë post, duke përjashtuar edhe mundësinë që të kandidohet për kryetare të Prishtinës
