Ish-trajneri i skuadrës së Real Madridit, Carlo Ancelotti ka zbuluar se agjenti i Gareth Bale-s kishte kërkuar ndërrimin e pozicionit të klientit të tij. Reprezentuesi uellsian ishte njëri nga lojtarët kyç tek Real Madridi sa Ancelotti ishte trajner i ekipit duke arritur të shënojë gola të rëndësishëm në Ligën e Kampionëve dhe në finalen e Copa del Rey. “Në një mëngjes morra një letër që duhet të shkoja në zyrën e presidentit pas përfundimit të stërvitjeve. Kjo gjë ishte shumë e pazakontë. Kur shkova aty, presidenti më tha që agjenti i Bales kishte kërkuar që t’i ndryshohej pozicioni në fushë. Ai kishte dëshirë të luajë në qendër më shumë”. “Presidenti më pyeti se cfarë do të bënim. Unë i’u përgjigja ‘asgjë’. Ishte e pamundshme t’ia ndërroja vendin në atë kohë të sezonit. Pastaj fola me të dhe i tregova që sezonin tjetër do të bëjmë diçka ndryshe. Ai u pajtua dhe vazhdoi gjithcka”, ka përfunduar ai.

Gazeta online “InfoSot” shpall konkurs për gazetar/e dhe kameraman/e

Artikull i sponzorizuar