Trajneri i Real Madridit e ka lavdëruar Jose Mourinhon për arritjet e tij me një klub si AS Roma.
Ancelotti duartrokiti arrijtjet e Mourinhos me një klub si Roma pavarësisht se Giallorossi nuk konsiderohen si një skuadër elitare në Europë.
Portugezi udhëhoqi Romën drejt trofeut të parë në Europë në më shumë së 60 vjet në sezonin e tij të parë dhe klubi ishte afër për të fituar edhe Ligën e Europës vitin e kaluar por humbi në finale kundër Sevillas.
“Ai ka qenë i suksesshëm edhe pse Giallorossi nuk konsiderohen si skuadra më e mirë. Nuk është çudi për shkak se Mourinho është një person i ndershëm dhe një trajner i madh, kështu që ai bën një lidhje të mahnitshme me tifozët, e cila gjë është pozitive”, tha Ancelotti në një intervistë për Radio Serie A.
Pasi ka udhëhequr Romën për dy sezone, ish trajneri i Chelsea dhe Real Madrid ka pasur dy oferta të mira financiare nga Arabia Saudite këtë verë, por ai i refuzoi ato pasi që dëshiron të vazhdojë në Serie A.
Pasi që ishte në tribuna në ndeshjen e aprë të Romës kundër Salernitanas për shkak të suspendimit, Mourinho do të kthehet në bankinë në ndeshjen e dytë të klubit të tij që ata e luajnë kundër Hellas Verona. /Express
