Alcatel zbuloi një telefon të ri inteligjent Android që kushton shumë lirë. Telefoni Alcatel Fierce XL kushton vetëm 139 dollarë.
Ai ka ekran 5.5 inç IPS me rezolucion 720 pikselë dhe densitet 267 pikselë për inç. Pajisja operon me sistemin Android 5.1.1 Lollipop, dhe fuqizohet nga procesori Snapdragon 210 me katër bërthama Cortex-A7 me shpejtësi 1.1GHz, së bashku me 2GB RAM dhe 16GB hapësirë të brendshme, e cila mund të zgjerohet nëpërmjet kartës microSD.
Telefoni ka kamerë parësore 8 megapiskelë dhe kamerë për selfie 2 megapikselë, të cilat janë pajisur me softuerin Polaroid për editimin e fotove. Ky softuer mundëson një sërë filtrash dhe mjetesh për modifikimin e fotove.
Alcatel Fierce XL mbështet rrjetin LTE me shpejtësi 150Mbps, së bashku me teknologjinë VoLTE, HD Voice dhe thirrje me Wi-Fi. Bateria me kapacitet 2,500mAh do të zgjasë për 12 orë bisedë.
