Dy zyrtarë policorë në Gjilan kanë bërë një akt heroik gjatë së martës.
Ata kanë arritur që reagojnë dhe t’i shpëtojnë dy persona të moshuar dhe t’i nxjerrin nga shtëpia e tyre e cila ishte përmbytur nga reshjet e dendura.
“Reagimi i shpejtë dhe profesional i zyrtarëve policorë kanë bërë që të shmangen pasoja të rënda dhe të mbrohen dy jetë njerëzish”, thuhet në njoftimin e policisë transmeton Klankosova.tv.
Drejtoria Rajonale e Policisë në Gjilan qëndron pranë qytetarëve në çdo situatë me përkushtim në mbrojtje të jetës e pasurisë së secilit qytetar dhe reagim me kujdes e përgjegjësi sa herë që kërkohet.
