Një aksident trafiku ka ndodhur në fshatin Zllakuqan, Klinë, ku si pasojë tre persona janë lënduar.
Rastin e ka konfirmuar zëdhënësi i policisë për rajonin e Pejës, Driton Rugova, i cili ka thënë se në këtë aksident janë përfshirë 2 vetura dhe një traktor.
Sipas Rugovës personat e lënduar në aksident janë dërguar në spitalin rajonal në Pejë për tretman mjekësor.
“Sot rreth orës 19:55, Policia është njoftuar për një aksident trafiku i cili ka ndodhur ne fshatin Zllakuqan- Klinë, në këtë aksident ishin të involvuara dy (2) vetura dhe një (1) mjet pune ( traktor) si pasojë e aksidentit tre (3) persona kanë pësuar lendime trupore, të njejtit janë dërguar në spitalin rajonal në Pejë për tretman mjekësor”, ka thënë Rugova për lajmi.net.
