Ahmet Isufi, kandidat për deputet nga radhet e AAK-së, ka një histori të pasur angazhimi në procese të rëndësishme historike për lirinë dhe pavarësinë e Kosovës. Ai ka luajtur një rol kyç në periudha vendimtare për vendin tonë, duke kontribuar në procese që formësuan të ardhmen e Kosovës.
Në protesta për Republikën e Kosovës, Isufi ishte një nga udhëheqësit që qëndroi fuqishëm për pavarësinë e shtetit tonë. Po ashtu, ai mori pjesë aktive në luftën për lirinë e atdheut, duke bashkëpunuar me ushtrinë amerikane, për të siguruar fitoren e Kosovës.
Isufi është gjithashtu një nga nënshkruesit e Deklaratës së Pavarësisë së Kosovës dhe një votues i ligjeve që çuan në formimin e Ushtrisë së Kosovës (FSK-së), një hap historik në forcimin e shtetit dhe sigurisë së Kosovës.
Ai thekson se angazhimi i tij do të vazhdojë, duke synuar pranimin e Kosovës në NATO, një hap tjetër i rëndësishëm për stabilitetin dhe zhvillimin e vendit.
“#137✅ për Kosovën Fituese!” është mesazhi i tij i fuqishëm, duke shprehur angazhimin për një të ardhme më të sigurt dhe të suksesshme për Kosovën.
