Pas aksidentit të frikshëm me makinë para pak kohësh, sulmuesi i Argjentinës, Sergio Aguero ka kaluar një tjetër moment të keq.

Kjo ndodhi gjatë pushimit të pjesës së parë të ndeshjes miqësore ndaj Nigerisë.

Argjentina e humbi ndeshjen me rezultat 4-2.

29-vjeçari humbi ndjenjat në dhomat e zhveshjes dhe u transportua menjëherë në spital për një vizitë mjekësore më të specializuar.

Mediat britanike raportojnë se nuk bëhet fjalë për ndonjë problem shqetësues.

Sergio Aguero me fanellën e Argjentinës /Getty Images)

“Aguero ka pasur probleme në pushim, por nuk ka asgjë për tu shqetësuar”, thuhet në njoftimin e federatës.

Aguero kishte shënuar njërën nga golat në humbje.

“Sergio kishte marramendje dhe u desh të largohet pas pjesës së parë”, ka thënë trajneri Jorge Sampaoli.

Argjentina ende po ka probleme që të gjejë qetësinë sidomos në mbrojtje. /Telegrafi/