Ish-komandanti i UÇK-së, Lahi Brahimaj, në emisionin Pressing në T7 ka treguar se pse janë vënë pseudonimet ushtarëve të UÇK-së. Ai thotë se arsyeja kryesore ishte për shkak të sigurisë së familjarëve të ish-ushtarëve.
Brahimaj tregon se Kadri Veselit, Rexhep Selimit, Daut Haradinajt dhe disa të tjerëve ua ka lënë nofkën vetë ai.
“Po ai e ka thënë edhe në një intervistë në Shqipëri se unë ia kam lënë nofkën ‘Luli’”, ka thënë ai.
Tutje ai ka treguar se Selimi nuk e ka nofkën “10-shi”, por “Agroni”
“Rexhep Selimi është njohur si “Agroni”. Shumë gazetarë e gabojnë, nuk është “10-shi”. Ajo është shifra në radio. Ai është njohur si “Agroni”. Të gjithë në Dukagjin e thërrasin “Agroni”. Daut Haradinaj është “Davidi” ndërsa Bekim Haxhiu është “Kamishi”. Ja kam lënë une. Kur e kam parë me duhan i pata thënë. Tash i ka mbetë. Nuk e di a është duke pirë më duhan. I kemi edhe ushtarët e Gjakovës që njiheshin si “Djemtë e Asfaltit””, përfundoi ai. /Gazeta Express
