This frame grab from video by Haberturk TV, shows a Russian warplane on fire before crashing on a hill as seen from Hatay province, Turkey, Tuesday, Nov. 24, 2015. Turkey shot down the Russian warplane Tuesday, claiming it had violated Turkish airspace and ignored repeated warnings. Russia denied that the plane crossed the Syrian border into Turkish skies. (Haberturk TV via AP) TURKEY OUT
Ministria e Jashtme e Turqisë ka njoftuar se e ka thirrur ambasadorin rus pasi një aeroplan i Rusisë e ka shkelur hapësirën ajrore turke më 29 janar.
Ministria turke, përmes një deklarate të lëshuar sot, tha se aeroplani rus SU-34 ka hyrë në hapësirën ajrore të Turqisë, pavarësisht disa paralajmërimeve në gjuhën ruse dhe atë angleze.
Ankaraja, sipas komunikatës, e ka thirrur të dërguarin rus në Turqi për të protestuar me forcë kundër këtij akti nga Rusia dhe për ta dënuar atë.
Ministria turke e ka akuzuar Rusinë për përshkallëzim të tensioneve midis të dyja vendeve dhe ka paralajmëruar se Rusia është përgjegjëse për çdo pasojë “të tmerrshme”.
Turqia e ka rrëzuar në nëntor një aeroplan ushtarak rus, një incident që i ka tensionuar raportet mes të dyja vendeve.
