Deepti Regmi nga Nepali, ka një aftësi të mahnitshme, të zbulojë ngjyrën e objekteve vetëm duke i nuhatur, si dhe të lexojë fjalët e shkruara vetëm duke i prekur me gisht.

Ende nuk është zbuluar diagnoza e 12-vjeçares, por ajo besohet se ka një aftësi të rrallë që quhet Synaesthesia, transmeton Telegrafi.

Njerëzit që kanë këtë gjendje, mund të përjetojnë ndjenja të ndryshme në të njëjtën kohë. Shumica e këtyre personave, ia dalin të gjejnë ngjyrën e objekteve duke e nuhatur apo shijuar, pa pasur nevojë ta shohin.

“Ia mbylla sytë mirë, për të vërtetuar se nuk është duke parë. Pastaj i jepja gjëra të ndryshme, të cilave ua tregonte ngjyrën me saktësi”, ka thënë babai i Regmi lidhur me rastin.

Këtë aftësi, ajo po përpiqet t’ia tregojë edhe të tjerëve, që kanë probleme me shikimin, apo nuk shohin aspak. /Telegrafi/