13:14
20.09.2015
ADNAN JANUZAJ DO KTHEHET NË “OLD TRAFFORD”
Adnan Januzaj do të kthehet në Manchester United verën e ardhshme, pasi u bë e njohur se Borussia Dortmund nuk kanë mundësi për të blerë mesfushorin.
Januzaj 20-vjeçar u transferua në Bundesligë te Borussia Dortmund si huazim. Por duket se ai është i vendosur për t’u kthyer në “Old Trafford” në fund të stinorit – pa marrë parasysh se sa i suksesshëm do të jetë në Westfalenstadion, transmeton KosovaPress.
Januzaj ka nevojë të luajë sa më shumë ndeshje për tu zhvilluar dhe përgatitur sa më mirë, por Dortmund duket se nuk ka mundësi ta blejë, ndaj Januzaj mund të kthehet sërish në Manchester United, pasi që ende ka edhe tri vite të mbetura nga marrëveshja pesë-vjeçare që e nënshkruar në tetor 2013.
