Komuna e Prishtinës ka bërë dy shkelje vetëm që të mbajë në punë katër punëtorë. Fillimisht, me një vonesë prej disa muajsh kryetari i Komunës së Prishtinës, Shpend Ahmeti, e ka anuluar në muajin mars 2015 procedurën e rekrutimit të konkursit të rishpallur më 29 prill 2014. Në atë konkurs të vlerësuar jashtëligjshëm nga Këshilli i Pavarur Mbikëqyrës për Shërbimin Civil të Kosovës ishin pranuar 4 punëtorë. Tash kur është anuluar konkursi, sipas burimeve të gazetës, të katër punëtorëve, Komuna ua ka rregulluar nga një kontratë mbi vepër për të kryer shërbimet në të njëjtin vend të punës për të cilin është anuluar konkursi.
Me datë 24 tetor 2014, KPMSHCK e pati urdhëruar Prishtinën ta anulojë konkursin pas ankesës së konkurrueses Jehona Breznica. Konkursi kishte të bënte me pranimin e punëtorëve në pozitat: operator i futjes së të dhënave në programin e tatimit në pronë dhe zyrtar për përgatitjen e dokumentacionit financiar, në kuadër të Drejtorisë së Financave dhe të Pronës. Sipas kushteve të konkursit, ishte kërkuar që kandidatët të kenë 3 vjet përvojë pune, ndërsa asnjë nga të pranuarit në punë nuk e kanë plotësuar këtë kriter.
Abuzimet e Komunës së Prishtinës me punësime
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
NGA KATEGORIA
TË FUNDIT
